بيني وبينك..
كم من مرة قطعت فيها هذا الطريق معك! ذراعك في ذراعي، فما شعرت أطويل أم قصير؟ أفي يومنا هذا المسير أم في غد لم يأت بعد؟ أم هو في ماضي من العمر قد ولى وفات.
كان الطريق هو الذي يقبل إلي. يأخذ بيدي، ويريني اتصاله بالأفق ، بالسماء ، يالأفلاك … على جانبيه دور هادئة [...]
عايزة
اكتب
قصيدة سريعة
عن الرحيل..
بدون مبالغة..
بدون مزايدة..
وبدون ألم.
*
عايزة
اكتب
عن الرحيل
عنك
يا وطن
*
عايزة
اكتب
عن الخوف
والحنين
وكل حبال
السنين
اللي رابطني
بيك يا وطن
*
عايزة
اكتب
عن اللي فات
واللي مات
واللي انولد
واللي انكسر
واللي ضاع
واللي اتقهر
حباً فيك
يا وطن
*
عايزة
أكتب
عن الاحلام
والصبايا والجدعان
وشلال الاحزان
اللي
بدون تمن
عندك
يا وطن
*
عايزة اكتب
قصيدة هادية
عن رحيلي
عنك
يا وطن ..
28.04.2008
في السما
= (نور يفكر وعلامة ذلك يمسك بحاجبه وينظر للامنتهى) ماما؟
# نعم!
= هو بابكي فين؟
# بابا .. مات .. راح عند ربنا..
= الله يرحمه ..(كما علمته جدته) راح فين؟
# فوق ف السما
= ليه؟
#يعني يا نور هو كان تعبان وبعدين راح لربنا ف السما وهو مبسوط عشان عند ربنا ده جميل ومش تعبان
= (منزعجاً لفكرة مرت [...]
*حتة بنت بادلعها ..
وإن جالها الموتي
لاشوحها
حتة بنت باهنيها..
وإن جالها الموتي
لاخليها
—
* اترص اترص
يا ورق الخس
اش جاب التين
ع الياسمين
اطلع يا جميل
—
* فولي فولي
يا سوداني
يا اللي مقلي
ع الصواني
حنتش بنتش
يا اللي بتنتش
هات لي حتة لحمة من داهي…
ست اموكو
بتقول لكو
الهئ الهئ
7 مرات..
نطي يا قطة ف الفنجان
ما تخافيش من الثعبان
دا الثعبان تحت الشجرة
مناخيره حمرا زي [...]
سكوت
السكوت علامة الرضا .. عبارة لم نعد نسمعها من فترة طويلة .. ربما لانه لم يعد هناك منْ يسكت .. ولم يعد هناك من يرضى.. ولم تعد هناك اي علامات ..
شم النسيم
يا سلام عليك يا ربيع .. أول مرة - ربما - انتبه لكا هذا الجمال .. !! اول مرة اشم زهور شجر البرتقال [...]
مع إنــي
عديت التلاتين
بتلت سنين
ورغم
تلات أربع شعرات
بيض متحنيّين
ورغم وقوع
الفرح
والالم..
والفـقــد..
والميلاد..
على مؤشر السنين ..
*
إلا إنــّي
لسه باخاف م العتمة
زي خوفي
من النور
وأنا في رحم امــي..
22.04.2008
مشاهدة الأرشيف Nour & Zeyad لشهر مايو, 2008.
